الخميس غــرة ذى الحجة 1435 هـ   25 سبتمبر 2014 السنة 24 العدد 8551
   
  إتصالات  
الموضوعات الاكثر قراءة


 
جميعهم ينتظرون بدء تشغيل الشبكة الرابعة للمحمول
 
12982
 
عدد القراءات
جميعهم ينتظرون بدء تشغيل الشبكة الرابعة للمحمول<br>
يعيش عدد كبير من العملاء المصريين حالة من الانتظار لانطلاق الشبكة الرابعة للمحمول التابعة للشركة المصرية للاتصالات باعتبارها منتجا مصريا خالصا لترحمهم من استغلال بعض الشركات التي اتخذت منهم وسيلة لتحقيق الثراء من خلال سوء الخدمة مطبقة شعار "إن لم تدفع أكثر ستحصل علي خدمة أقل"

 وهذا علي مستوي سعر المكالمات وخدمة الإنترنت سواء المقدمة عن طريق الاشتراكات أو عن طريق نظام "اليو إس بي" وكذلك سوء خدمة نظام "البلاك بيري"
وقد ضاق الشعب المصري ذرعا من سوء خدمة شركة فودافون ولم يجدوا سوي مواقع التواصل الاجتماعي "الفيس بوك" للتعبير عن رأيهم بصراحة في خدمات هذه الشركة وهذا دفعهم إلي تدشين صفحة تحت مسمي "حملة ضد شركة فودافون لاختفاء الرصيد وسوء خدمة البلاك بيري"
"الأهرام المسائي" رصدت ردود أفعال عملاء شركة "فودافون" في الشارع المصري وعلي صفحات الفيس بوك قال عمرو حافظ الجمالي علي صفحته علي الفيس بوك ساخرا من فكرة كروت خربش وأكسب "في دماغي حاجة ياااااه لو نعملها هي ايه بصوا يا جماعة فودافون نزلت كروت خربش واكسب انا طلعلي مثلا 3 آلاف جنيه واحد طلعله كلمة كاش هنبدل مع بعض وهكذا هاقلتم ايه"
وتقول إيفون نبيل منسقة"حملة ضد شركة فودافون لاختفاء الرصيد وسوء خدمة البلاك بيري" "لكل اللي عاوز يعرف سبب المشكلة: مفيش سرقوني واشتغلوني وكانوا بيخصموا فلوس بالعبيط ويقولولي استهلاك البلاك بيري جامد اول ما شغلته مع إني دفعت الاشتراك الشهري 100جنيه. اول يوم اللي هو لسه معملتش إي حاجة غير إني لسه ببص عالجهاز ومضيفتش حد علي البي بي حتى وكل اللي عملته اني فتحت الفيس خصمولي 30 جنيها تاني يوم 20 تالت يوم 10 وهكذا وأضافت إيفون "اتصلت واشتكيت قالولي انتي بتستهلكي ميجابيتات كتير قولتهلم يا جماعة إنا كل اللي باعمله اني بدخل علي الفيس وحتى مبفتحش فيديوهات ومعنديش غير 5 أشخاص علي البي بي المهم بطلت أتنيل استخدمه تقريبا سافرت الأردن. فببص علي الموقع بتاعهم اشوف ردو علي الشكاوي ولا لألقيتهم خاصمينلي 35 جنيها وانأ مسافرة واصلا مشغلتهوش تجوال.
رجعتلهم بقي وقولتلهم انتو مش بس هترجعوا الـ35 جنيها انتو هترجعو كل اللي خدتوه وبأثر رجعي من ساعة ماشغلت البلاك بيري "كنت مشغلاه من شهر" فرجعوا لي الـ35 جنيها بس وتاني يوم خصموهم استهلاك تاني وقالت إيفون "روحت كتبتلهم علي صفحتهم علي الفيس انهم حرامية وإنهم بيسرقوا الفلوس راحو عملولي بلوك عشان الناس بدأت تتضامن وتقول اه احنا كمان بنتسرق روحت قولتلهم اوكي انتو عملتولي بلوك علي الفيس اما اشوف هتعملولي بلوك ازاي لما انزلكم بيافطة وأقول إنكم حرامية في الشارع" وأضافت إيفون أنها نظمت اعتصاما أمام الشركة وحملت لافتة مكتوب عليها "فودافون سرقتني. فودافون القوة بين أيديك والسرقة قصاد عينيك"
وقالت نهال ناصر أحدي العملاء أن شركة "فودافون" كانت تخطط لفرض 15% علي العملاء في عرض "الكارت كارتين" ولكن بعد الغضب الشديد اضطرت للتراجع عن هذه الزيادة ويقول محمد خطاب أحد عملاء الشركة: لاحظت منذ فترة كبيرة عندما نقوم بالاتصال بخدمة عملاء فودافون 888 يجب آن تفصل المكالة حتى يقوم العميل بالاتصال مرة أخري (ليحصل علي استفسار أو حل لمشكلته) كنت اعتقد آن الموضوع عادي ضغط عملاء وكده لكن اكتشفت أنها سياسة شركة وليست مشكلة لا يمكن أبدا إن يحدث 7مرات في أيام مختلفة نفس المشكلة.والاتصال الثاني يبقي شغال تمام.
حدث نفس الأمر مع كل أصدقائي وحط تحت كلمة كل دي 10 خطوط وان شاء الله لن يتم السكوت عن هذا الأمر (كفانا استغلال لحد كده).


رابط دائم :


 
إضافة تعليق
 
البيانات مطلوبة
     
اسمك

 

   

 

بريد الالكترونى  
 

 

عنوان التعليق  
 

 

تعليق

 

 

 

 

 

جميع حقوق النشر محفوظة لدى مؤسسة الأهرام،و يحظر نشر أو توزيع أو طبع أى مادة دون إذن مسبق من مؤسسة الأهرام
راسلنا على البريد الاليكترونى
massai@ahram.org.eg