الخميس غــرة ذى الحجة 1435 هـ   25 سبتمبر 2014 السنة 24 العدد 8551
   
  بالبلدى الفصيح  
الموضوعات الاكثر قراءة


 
عايزين بلد مفروش إيجار جديد‏!‏
 
33793
 
عدد القراءات
عايزين بلد مفروش إيجار جديد‏!‏
البلد كلها مقفولة قفلة الدومينو المحبوسة‏..!‏ سائقو الميكروباصات والأتوبيسات والسكك الحديدية عاملين اضرابات‏..‏ يعني اللي عايز يروح من حتة لحتة يروحها علي ظهر الحمير والبغال والجمال والأفيال‏!‏

أما المدرسون‏..‏ فمعتصمون حتي يتحقق المراد من رب العباد‏,‏ وياخدوا‏3‏ آلاف جنيه حدا أدني للمرتبات‏,‏ وطبعا ده في المشمش ان شاء الله‏,‏ وبالتالي فمعظم المدارس حالها واقف والمراكز اللي بيشغلها المدرسون المضربون شغالة زي النار ليل ونهار‏!!‏
إما المستشفيات فخاوية علي عروشها واللي عايز يتعالج عنده حل من اثنين أما يروح لحلاق الصحة أو يشرب شربة الحاج محمود اللي بتموت الدود‏,‏ وهي في الحقيقة بتموت كل حاجة الا الدود‏!‏
متهيألي في ظل هذه الحالة الغريبة والمريبة التي اتفق فيها الجميع علي الشعب من أطباء ومدرسين‏..‏ وسائقي أتوبيسات وميكروباصات‏,‏ أن الحكومة برئاسة د‏.‏هشام قنديل تدور للشعب علي بلد ثانية يعيش فيها غير مصر‏,‏ بلد مفروش ايجار جديد حتي تعود الدنيا من جديد آخر انبساط وزبادي في الخلاط‏..!!‏
 


رابط دائم :


 
إضافة تعليق
 
البيانات مطلوبة
     
اسمك

 

   

 

بريد الالكترونى  
 

 

عنوان التعليق  
 

 

تعليق

 

 

 

 

 

جميع حقوق النشر محفوظة لدى مؤسسة الأهرام،و يحظر نشر أو توزيع أو طبع أى مادة دون إذن مسبق من مؤسسة الأهرام
راسلنا على البريد الاليكترونى
massai@ahram.org.eg